نظام شغّال، على طريقتك.
الشاشات والصلاحيات والميزات اللي اتفقنا عليها، بعد تجربتها معك على سيناريوهات شغلك.
نظام لشركتك، على طريقة شغلك.
كل شهر اشتراكات…
ولسه بتكيّف
شغلك عليها؟
بنبني نظام على طريقة شغلك، وبنسلّمك النظام والكود كاملين. نجمع الوظائف اللي بتحتاجها، ونحسب معك إذا امتلاك نظامك أوفر على المدى الطويل.
✓ ملكية النظام والكود • خطة أولية مجانية • سعر واضح قبل التنفيذ
ن
أمساحة عملككل التفاصيل، بمكان واحد
نظرة على شغلكيومك أوضح.
نموذج توضيحيالطلبات اليوم٢٤ ↗
مهام مكتملة١٨ / ٢٢
أداء المبيعاتهذا الأسبوع ⌄
السبتالأحدالاثنينالثلاثاءالأربعاء
طلب جديد جاهز للتسليمبيانات المبيعات والمخزون متزامنة
مكتملأدواتك، مترابطةتحديث واحد يوصل للكل
✓
تصوّر لما يمكن أن يكون عليه نظام شركتك
مصمّم على نمطكمن أول خطوة لآخر تقرير
تفاصيل مختلفة.
نظام يجمعها.
نظام يجمعها.
المبيعات ✦ المخزون ✦ الحجوزات ✦ العملاء ✦ فريقك
تستلمه كاملًا. ويصير إلك.
نظامك. كودك. قرارك.
- ✓ ملكية النظام والكود المخصص
- ✓ حرية الاستضافة والتطوير مع أي جهة
- ✓ دعم وصيانة اختيارية بعد التسليم
الاشتراكات بتتجمع، وشغلك بتفرّق
كم أداة بتدفع إلها
عشان تمشّي شغلك؟
كل أداة بتحل جزء. بس لما تتوزّع بياناتك بينهم، بصير بدك وقت تربط الصورة وتدخل نفس المعلومة أكثر من مرة.
عملاء اشتراكمواعيد اشتراكمخزون اشتراكمهام اشتراك
وبينهم؟ نقل بيانات، ومتابعة يدوية.
ن
نظام يجمع شغلك.
نختار الوظائف اللي بتحتاجها، ونبنيها بمكان واحد، ونربط الأدوات اللي لازم تضل.
الملكية إلك، والتفاصيل على نمطك.مثال توضيحي لفكرة جمع الوظائف؛ إمكانية استبدال كل أداة بنحدّدها بعد دراسة احتياجك.
احسب اشتراكاتك، وبعدين قرّر
كم بتدفع اشتراكات؟
خلّي الصورة واضحة.
أضف كل اشتراك لحاله، حتى لو العملات والفوترة مختلفة. بنجمعها إلك، وبعدين بندرس تكلفة نظامك الخاص بعد الخطة المجانية.
02 / شوف الصورة كاملةولا اشتراك بعد
إجمالي اشتراكاتك
إذا ضلّت أسعارك نفسها، رح تدفع
لسه ما أضفت اشتراكات. ابدأ بفاتورتك الأولى وشوف المجموع هون.
أما نظامك مع نمطك
النظام والكود إلك.
خلّينا ندرس تكلفة نظام تملكه، ونشوف إذا الانتقال بستاهل. بنحسب البناء والتشغيل والصيانة معك قبل القرار.
اطلب دراسة نظامك مجانًاالمجموع تكلفة اشتراكات فقط، وليس مبلغ توفير أو سعر نظامك. يفترض ثبات السعر؛ لا نضيف ضرائب أو أجهزة أو خدمات خارج المبلغ المحسوب.
كيف حسبنا الاشتراكات؟
بنحوّل كل فاتورة لمكافئ شهري: الشهرية كما هي، والسنوية ÷ 12. بنحوّل العملات لعملة العرض، وبنجمع المكافئات الشهرية × 12 × عدد السنوات. التقريب للعرض فقط، والحساب يحتفظ بالدقة الأصلية. السعر المنشور يُضرب بعدد المستخدمين أو الاشتراكات حسب وحدة الباقة. في الدفع السنوي نعرض المكافئ الشهري وقيمة سنة كاملة مدفوعة سنويًا. لا نحسب تكلفة بناء أو صيانة مفترضة لنمطك، ولا نحسب نسبة توفير.
التحويل تقريبي ثابت: 1 دولار = 3.75 ريال سعودي أو 0.709 دينار أردني. تمت مراجعة المركزي السعودي والمركزي الأردني بتاريخ 18 أكتوبر 2026. ما بيشمل رسوم الصرف، وما بيتحدّث تلقائيًا. استخدم فاتورتك لو عندك خصم أو سعر محلي مختلف.
الأسماء والشعارات ملك أصحابها، وتُستخدم للتعريف بالمزوّد دون شراكة أو تأييد. لا نفترض أن النظام المخصص يستبدل كل ميزات أي منتج. ClickUp علامة تجارية وخدمية لشركة Mango Technologies, Inc. DBA ClickUp، مسجلة في الولايات المتحدة ودول أخرى.
قبل ما تختار، خلّي الفرق واضح
تشترك بنظام جاهز،
ولا تبني نظام إلك؟
الاشتراك ممكن يكون مناسب لشغلك. والنظام الخاص ممكن يعطيك مرونة وملكية أكبر. الفرق مش بس بالمبلغ؛ كمان بشو بتستلم ومين بيدير النظام.
| شو الفرق؟ | نظام جاهز باشتراكبتستخدم خدمة المزوّد | نظام خاص مع نمطكبنبنيه وبنسلّمك كوده |
|---|---|---|
| الملكية | حق استخدام حسب الباقة والشروط؛ عادةً ما بتستلم كود المنتج. | النظام والكود المخصص إلك، ضمن اتفاق التسليم وتراخيص المكونات الخارجية. |
| طريقة شغلك | بتختار من الميزات والتخصيصات والربط المتاح عند المزوّد. | بنصمّم الميزات والخطوات حسب احتياجك والنطاق اللي اتفقنا عليه. |
| شو بتدفع؟ | اشتراك متكرر، وممكن إضافات حسب الباقة أو المستخدمين أو الاستخدام. | تكلفة بناء وتسليم بنحدّدها بعد الخطة المجانية، وبنوضّح تكاليف التشغيل والصيانة والخدمات الخارجية بشكل منفصل. |
| التشغيل والتحديثات | المزوّد بيدير الخدمة وتحديثاتها، والدعم حسب شروطه وباقتك. | بتختار مين يدير الاستضافة والتحديثات والنسخ الاحتياطي: فريقك، نمطك، أو جهة ثانية. |
| وقت البداية | ممكن تبدأ أسرع إذا الجاهز مناسب؛ الإعداد ونقل البيانات والربط إلهم وقتهم. | بنحتاج وقت للفهم والبناء والتجربة. المراحل والمدة بتكون واضحة بعرض السعر. |
| لما يتغيّر احتياجك | بتراجع خيارات الترقية والربط وتصدير البيانات المتاحة عند المزوّد. | بتقدر تطوّر الكود أو تنقل الاستضافة، بعد تقييم فني وتحديد تكلفة التغيير. |
الجاهز بناسبك لما…
ميزاته بتغطي احتياجك، وبدك تبدأ بسرعة ضمن خياراته، ويكون تشغيل الخدمة عند المزوّد.
الخاص بستاهل تدرسه لما…
طريقة شغلك بدها خطوات أو ربط مش متاحين، وملكية الكود وحرية التطوير مهمّين إلك.
النظام الخاص مش بالضرورة أوفر. بنقارن تكلفة البناء والتشغيل والصيانة والتطوير مع اشتراكك، لنفس الاحتياج ونفس المدة. الحاسبة بتجمع اشتراكاتك فقط.
احسب اشتراكاتكللتوضيح: شراء ترخيص مش دايمًا يعني ملكية الكود.
حتى لو دفعت مرة واحدة لنظام جاهز، ممكن تكون اشتريت حق استخدامه فقط. مع نمطك، ملكية الكود المخصص وتسليم ملفاته بنكتبهم بوضوح بالاتفاق. هاي مقارنة عامة؛ تفاصيل كل منتج بتعتمد على عقده وباقته. عن نموذج الاشتراك البرمجي ↗
من أول اتفاق، لآخر ملف
شو بتستلم بإيدك؟
نظامك، بكل تفاصيله.
التسليم مش بس اسم مستخدم وكلمة مرور. بنحدّد مخرجات مشروعك بالاتفاق، وبنسلّمك اللي بتحتاجه لتشغّله وتكمّل عليه.
الكود المصدري إلك.
كود المشروع المخصص وملفاته، بملكية واضحة ضمن اتفاق التسليم. بتقدر تكمّل تطويره مع أي جهة.
بتعرف وين نظامك وكيف يشتغل.
ملفات وإرشادات التشغيل، وطريقة الوصول لبياناتك ونسخها احتياطيًا، حسب بيئة الاستضافة المتفق عليها.
تستلمه، وتعرف تستخدمه.
شرح وتوثيق وتدريب ضمن النطاق المتفق عليه. وبنوضّح مين بيتابع التشغيل والصيانة بعد التسليم.
المكتبات والخدمات الخارجية إلها تراخيصها وتكاليفها؛ بنوضّحها من البداية. الاستضافة والدعم والتطوير اللاحق بنتفق عليهم بشكل منفصل.
خلّينا نختار اللي بناسبك
هل النظام الخاص
مناسب إلك؟
إذا اشتراك بسيط بيلبّي احتياجك، بنحكيلك. بنبني لما تكون الملكية والمرونة وجمع الشغل إلها قيمة فعلية عندك.
خلّينا ندرس وضع شركتك ↖01
أدوات كثيرة، وبيانات متفرقة.
ندرس جمع الوظائف وربط البيانات عشان تخف الخطوات المكررة.02
الفاتورة بتكبر مع كل مستخدم.
نقارن اشتراكات فريقك مع تكلفة بناء وتشغيل النظام على المدى الطويل.03
شغلك إله خطوات الجاهز ما بغطيها.
نصمّم حول طريقة شغلك، وبتستلم كود تقدر تطوّره مع أي جهة.جرّب الفكرة بنفسك
عميل، طلب، ومهمة.
وشغلك كله صار مترابط.
ادخل مساحة نمطك التجريبية. أضف عميلًا وطلبًا، غيّر الحالة، وشوف التقارير تتحدّث قدّامك. البيانات للتجربة وبتنحفظ بمتصفحك بس.
01 / شو بنبني؟
إنت احكيلنا عن شغلك.
وإحنا نبني له نظام.
من مهمة يومية متكررة، لنظام يربط الشركة كلها. بنبدأ من احتياجك الفعلي وبنحدد الحل المناسب إلك.
ابنِ نظام شركتك
نظام مخصص بشاشات وصلاحيات تناسب فريقك. تستلم النظام والكود كاملين، وتكون ملكية المشروع إلك.
طوّر نظامك الحالي
نراجع نظامك ونحدد كيف نضيف الميزات والتقارير اللي بتحتاجها، ونحسّن تجربة استخدامه.
اربط شغلك ببعضه
خلّي المعلومات تنتقل بين أدواتك، وقلّل الإدخال المتكرر والخطوات اليدوية.
خلّينا نتابع نظامك
تشغيل وصيانة ودعم اختياري بعد التسليم. بتقدر تختارنا أو أي جهة ثانية لمتابعة نظامك.
02 / كيف بنشتغل؟
من أول حكي،
لأول يوم تشغيل.
خطوات واضحة، ونطاق متفق عليه. بتعرف شو رح نبني، وبأي مراحل، قبل ما نبدأ التنفيذ.
نفهم شغلك
تشاركنا تفاصيل شركتك واحتياجك، وبنحكي معك لنفهم طريقة شغلك.
ندرس ونقدّم عرضنا
بعد المكالمة، نجهّز خطة أولية مجانية وعرض سعر مدروس بنطاق ومدة واضحين.
نبني ونجرّب
نصمّم الشاشات، نطوّر على مراحل، ونجرّب السيناريوهات معك.
نسلّمك نظامك
نسلّم النظام والكود وملفات التشغيل، وندرّب فريقك. المتابعة والدعم اختيارك.
يعني رح أوقف كل الاشتراكات وأوفّر أكيد؟+
مش وعد تلقائي. بنراجع شو ممكن يجمعه النظام الخاص، وشو الأفضل يضل عند مزوّده. وبنقارن تكلفة البناء والتشغيل والصيانة والتطوير مع اشتراكاتك لنفس المدة والاحتياج. الحاسبة بتجمع اشتراكاتك فقط؛ عرض السعر بيكمّل المقارنة.
هل بتشتغلوا مع مجال معيّن؟+
بنطوّر أنظمة لاحتياجات شركات من مجالات مختلفة. بنبدأ بفهم عملياتك ونحدد نطاق المشروع والمتطلبات اللي نقدر ننفذها معك.
شو المقصود بخطة العمل المجانية؟+
بنبدأ بمكالمة نفهم فيها شغلك واحتياجك. بعدها بنرتّب خطة أولية مجانية، وبنقدّم عرض سعر يحدد النطاق والمدة والتكلفة. تطوير النظام نفسه مش داخل الخدمة المجانية.
كم تكلفة النظام وكم بياخد وقت؟+
بتعتمد على الميزات، عدد المستخدمين، الربط مع الأدوات الأخرى ونقل البيانات. بنوضح النطاق والمدة والتكلفة بعرض قبل بدء التنفيذ، وأي إضافات بنتفق عليها بشكل منفصل.
هل بقدر أطوّر نظام عندي أصلًا؟+
نعم، بنراجع النظام وإمكانية الوصول لكوده وتكاملاته، وبنوضح إذا التعديل عليه مناسب أو في بديل أنسب.
هل النظام والكود بصيروا ملكي؟+
نعم. النظام والكود المصدري المخصص للمشروع بصيروا ملكك ضمن اتفاق التسليم. تستلم الملفات والبيانات وتعليمات التشغيل، وبتقدر تستضيفه وتعدّله مع أي جهة. أي مكتبات أو خدمات لطرف ثالث بنوضح تراخيصها وتكاليفها من البداية.
شو بصير بعد تسليم النظام؟+
تستلم النظام والكود كاملين مع ملفات التشغيل والتوثيق والتدريب المتفق عليه. الاستضافة والصيانة والتطوير اللاحق خدمات اختيارية بعرض منفصل، وبتقدر تديرها بنفسك أو تختار جهة ثانية.
ملكية أوضح. أدوات أقل. قرار محسوب.